Благослови вас Господь! Благодарим за посещение нашего официального информационного блога Синодального издательского и информационно-аналитического отдела Истинно-Православной Церкви. Вы можете оставить ваши комментарии, замечания и предложения в Гостевой книге нашего блога. Свет Христовой Истины да просветит всех! | God bless you! Thanks for visiting our official blog news of the Synodal publishing and information-analytical Department of the True-Orthodox Church. You can write your comments and suggestions in the Guest book of our blog. Light of Christ's Truth let's enlighten all! Инфо-блог ЦРО ИПЦ: ИНФОРМАЦИЯ И АНАЛИТИКА: Икона Божией Матери "Воскрешающая Русь" (служба с каноном и акафистом)

12.12.2013

Икона Божией Матери "Воскрешающая Русь" (служба с каноном и акафистом)

«Ты, Пресвятая Дево, чудесное света излучение, подаеши нам простоту душевную, чистоту небесную, от телесных и душевных немощей избавление и радость неизреченную, Мы чтим святое Твое изображение, на Руси явленное, и поклоняемся Тебе, Мати Божия и просим предстательства Твоего и заступления и воздаем Тебе, Надеждо наша и Упование, честь и поклонение» (тропарь иконе Божией Матери «Воскрешающая Русь»)

В первое воскресенье после 12 декабря – ИКОНЫ БОЖИЕЙ МАТЕРИ «ВОСКРЕШАЮЩАЯ РУСЬ», особо чтимой чудотворной иконы всей полноты Истинно-Православной Церкви (согласно решению Священного Синода ИПЦ от 28.01.2008 г.).
В этот день и храмовый праздник в Свято-Иоанно-Предтеченском ставропигиальном женском монастыре, что в посёлке Денежниково Раменского района Московской области, торжественное освящение которого в честь иконы Пресвятой Богородицы состоялось 11 июля 2004 г. с участием Митрополита Московского Рафаила (ныне Святейшего Архиепископа Московского, Митрополита Всероссийского — Предстоятеля Истинно-Православной Церкви) с собором архиереев ИПЦ...

Читайте далее — краткая история явления прославленной Истинно-Православной Церковью иконы (ссылка)
 СЛУЖБА
Иконе Пресвятыя Богородицы
«Воскрешающая Русь»
12 декабря (н. ст.)
(с каноном и акафистом, часть, во исполнение пп.2.1, 2.2 решения
Священного Синода ЦРО ИПЦ от 9/22 апреля 2013 г.)

На Велицей вечерне, стихологисуем Блажен муж: первый антифон.
На Господи воззвах, стихиры на 8. Глас 9-й. Самогласны:
Ст.1 В песнех и пениих восхвалим Богоотроковицу, исцеления бо подает чрез Образ Свой святый, всем с верою припадающим, недуги душевныя и телесныя врачующи, и тьму неверия отгоняющи; и Руси подая воскрешение. (Дважды)
Ст.2 Пресвятая Дево, упование святаго царя Николая; яко да не погибнет Отечество наше до конца. Ты бо прияла в Пречистии руце Твои скиптр самодержавия Российскаго, да благословиши им грядущаго помазанника Божия, егда совершиши Руси воскрешение. (Дважды)
Ст.3 Диадимою царства Российскаго венчалася еси Пречистая; егда приидоша безбожныя на достояние Твое, да удел Твой расхитят, верныя люди Твоя убиют, храмы испроверзут; но молитвами Твоими не имут вечновати нечистивыя, разориши бо вскоре советы их и подаси Руси воскрешение. (Дважды)
Ст.4 Жидовский Богопротивный сонм, ополчися на землю Российскую, да имя русских погибнет, благочестивая вера падет, вси вкупе не потреби будут. Благослови Пречистая, якоже древле полки крестоносныя, научая руце наша на брань праведную за Руси воскрешение. (Дважды)
Слава, и ныне. Глас 2-й: Яви благоволение людем Пятигорским, яже есть русския и эллины, и армене, и иных языцы чрез Образ Свой, Владычице, да вси ясно зрят истину Православия в чудесех велицых и прославят Тя.
Вход. Прокимен дне. И чтения.
Бытия чтение:
Изыде Иаков от студенца клятвеннаго, и иде в Харран. И обреете место, и спа тамо: зайде бо солнце. И взят от камения места того, и положи возглавие себе, и спа не месте оном, и сон виде: И се лествица утверждена на земли, еяже глава досяжаше до небес, и ангели Божии восхождаху и нисхождаху по ней. Господь же утверждашеся на ней, и рече: Аз Бог Авраамов отца твоего, и Бог Исааков, не бойся: Земля идеже ты спиши на ней, тебе дам ю, и семени твоему. И будет семя твое яко песок земный, и распространится на море, и ливу, и север, и на востоки. И возблагословятся о тебе вся колена земная, и от семени твоем. И се Аз с тобою сохраняй тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Иаков от сна своего, и рече: яко есть Господь на месте сем, аз не видех. И убоюся, и рече: яко страшно место сие, несть сие, но дом Божий, и сия Врата Небесныя.
Пророчества Иезекиилева чтение:
Тако глаголет Господь: будет от дне осмаго и прочее, сотворят иереи на олтари всессожения вашего, и яже спасения вашего. И прииму вы, глаголет Адонаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут, и не отверзутся, и никтоже пройдет сквозе их, яко Господь Бог Израилев пройдет ими, и будут заключена. Яко игумен сядет в них снести хлеб: по пути еламских врат внидет, и по пути его изыдет. И введе мя по пути врат святых сущих к северу, прямо храму, и видех, и се исполнь славы храм Господень.
Притчей чтение:
Премудрость созда себе дом, и утверди столпов седмь. Закла своя жертвенная, и раствори в чаши своей вино, и уготова свою трапезу. Посла своя рабы созывающи с высоким проповеданием на чашу, глаголющи: Иже есть безумен, да уклонится ко мне, и требующым ума рече: Придите, ядите мой хлеб, и пийте вино, еже растворих вам. Оставите безумие, и живи будете: и взыщите разума, да поживете, и исправите разум в ведении. Наказуяй злыя примет себе безчестие: обличаяй же нечестиваго, опорочит себе: обличение бо нечестивому, раны Ему. Не обличай злых, да не возненавидят тебе: обличай премудра, и возлюбит тя. Даждь премудрому вину, и премудрший будет сказуй: праведному, и приложит приимати. Начало премудрости, страх Господень, и совет святых, разум. Разумети бо закон, помысла есть благаго: сим бо образом многое поживеши время, и приложатся тебе лета живота.
На Литии стихиры, глас 2-й:
Ст.1 Иконою Твоею, Пречистая Богоматерь, украшаемся и хвалимся, многими чудесы бо прославися; солнце взыграся, лик Твой пречудный видящи, стихии явиша кротость, людие трепетах страхом и радостию, прославляя величия Твоя. (Дважды)
Ст.2 Не остави ны, Пречистая Богородице, прилежно молящихся пред чудотворным Образом Твоим, внегда оскудети крепости нашей, и не отрини нас грешных во время старости. (Дважды)
Слава, и ныне. Глас 4-й: Иаковля лествица, колеснице Эммануилева, ковчеже сокровища вечнаго, Присная Присноживущаго веры благочестивыя охранительнице, православных царей державо и крепосте, и страны нашея воскрешение.
На стиховне стихиры, глас 1-й. Самогласны:
Ст.1 Не престай моляся за Россию, Матерь Света, не отыми милости Твоея от сынов русских, разори нечестивых шатания, воскреси земли нашея доброту: молитвами царственной седмерицы спаси души наша.
Стих: Воскресни Господи, в покой Твой, Ты, и кивот святыни Твоея.
Ст.2 Святаго царя Николая упование, царицы Александры терпение, царевича Алексия и благородных царевен кротость, людей Российских заступление в скорбех и печалех, Богомати Девице, воскреси в сердцах наших Русь Святую.
Стих: Клятся Господь Давиду истиною, и не отвержется ея.
Ст.3 Новомучеников Российских крепкое забрало, Богородице, и исповедников уста и помоще на судищи, белаго воинства на поле брани ободрение, правое правление святителей истинно православных, и церкве тайныя хранительнице: чрез Нея же Руси воскрешение.
Слава, и ныне. Глас 5-й: Внидоша легион бесовский в сердце страны нашея, и бысть одержима от него, во одежду благочестия не облачашеся, жилище имущее во гробех, не глаголаша и не внимаша правде; но, молитвами Богородицы, изгони Господи, бесы во свиния, да низринутся в езеро небытия.
На благословение хлебов,
тропарь Богородице, глас 4-й (творение пресвитера Дионисия):
О, Пресвятая Дево! Предивное Божественнаго Света сияние; подаеши нам помыслов очищение, грехов наших и окаянства избавление. Уврачуй недуги наша душевныя и телесныя, и избави страну нашу от лютых напастей, и покори под ноги наша восстающия на ны. Помолися, яко Всемилостивая Владычице, пред Престолом Сына Твоего и Бога нашего, треми денми воскресшаго, да воскресит Русь нашу Святую и устроит ю, яко Горнее Селение! (Трижды)
Таже, Буди Имя Господне (Трижды), и псалом 33. И начинаем со всяким умилением Шестопсалмие, яко Самому Богу беседующе.
На Утрене: на Бог Господь, тропарь Богородице (Трижды). По 1-й кафизме, и по 2-й, и по полиелее: Седальны Октоиха. Степенна, первый антифон прилучившагося гласа. Прокимен, глас 4-й: Слыши Дщи, и виждь, и приклони ухо Твое. Стих: Отрыгну сердце мое, слово благо, глаголю аз, дела моя Цареви.
Евангелие от Луки, зач.4: Восставши Мариам: По 50-м псалме, Стихира, глас 8-й: В песнех и пениих: писан на Господи, воззвах.
Канон един, Богородице, глас 8-й. Катавасия: Христос рождается:
Канон, творение митрополита Венедикта и архиепископа Ростислава. Егоже краегранесие: Образ Пречистыя Девы, даждь ми восхвалити слове Божий.
Канон,
Песнь 1
Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.
Припев: Пресвятая Богородице, спаси нас.
Якоже древле, славно бо прославися, Пресвятая Богоотроковице, чрез Святый Свой и многоцелебный Образ, воздвизая от кала греховнаго Отечество наше и подая Руси воскрешение.
Покровом святым покрываеши и предстательством Своим заступаеши Девице землю Российскую, покрый грядущаго Царя и множество владомых.
Слава: Совет Предвечный, от Пресвятыя Троицы прорече Ти Гавриил, вещая: Радуйся, да прозябнеши цвет нетления во спасение концев земли.
И ныне: Спасение душам нашим готовиши, Пресвятая Богородице, явлением Преизящнейших чудес Твоих, яже от иконы подаются обильно людям Твоим.
Песнь 3
Ирмос: Небеснаго круга Верхотворче, Господи, и Церкви Зиждителю, ты мене утверди в любви Твоей, желаний краю, верных утверждение, Едине Человеколюбче.
Вскую шаташася безумнии люди, да не прославится, и не явится миру икона Твоя Русь Воскрешающая. Поместный же Собор Православныя Церкви Российския освяти, прослави, и превознесе сие Честное Твое изображение, вопия: Пресвятая Богородице, спаси нас.
Третьяго Рима явилася еси Взбранной Воеводе, да явиши, что есть истинно Православных вера.
Слава: Ликуйте Православных Собори, яко молитвами Пречистыя Богоматере явися Руси Воскрешение.
И ныне: Яко же о Лазаре Четверодневнем, вопияше о России вси языцы земнии ко Господу: не приближися Господи, Четверодневна бо и смердит; Ты же Господи, Молитвами Богородицы, воскресил ю, да изыдет из гроба.
Седален, глас 1-й: В конец погибе Отечество наше, и не даде ни гласа, ни послушания Богу. Но, верная четвертому уделу Своему, восставила еси его от поругания, и от поношения, да россияне всяко спасутся.
Песнь 4
Ирмос: Услышах, Господи, смотрения Твоего таинства, разумех дела Твоя и прославих Твое Божество.
Господи, приидоша языцы безбожныя на достояние Твое, оскверниша храмы святыя Твоя, сотворша я, яко овощныя хранилища, положиша трупия раб Твоих, брашна птицам небесным. Помилуй ны Боже, и восстави достояние Твое, молитвами Богородицы, Едине Человеколюбче.
Града Пятигорска украшение и всей стране нашей заступление, всему миру Ходатаице чрез Образ Свой Пресвятый, Невесто Неневестная.
Слава: Во время отступления от веры, дадеся Церкви Российской икона Твоя Святая, яко щит, да прогоняеши бесов ополчения, побеждаеши агарян злохуления, и исцеляеши проказу жидовскую в людях русских.
И ныне: Не предаждь нас, Пресвятая Дево, в руцы врагов наших, хулящих Имя Божие. Молитвами Твоими Промыслитель да заступит, спасет и помилует нас Своею благодатию.
Песнь 5
Ирмос: Просвети нас повелении Твоими, Господи, и мышцею Твоею высокою, Твой мир подаждь нам, Человеколюбче.
Явися Образ Твой Святый, источник чудес неоскудевающий, с верою всем прибегающим.
Пресвятая Богородице, упраздни скорби православно Тя исповедующих.
Слава: Страны Российския красото и избавление от напастей, икона Твоя Честная, юже возносящее враги побеждаем.
И ныне: Тьму ига жидовскаго прогоняеши светом лика Твоего, Владычице, и агарянския силы расточаеши, Пречистая Дево, побори борющыя ны.
Песнь 6
Ирмос: Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и молюся, яко Иона: от тли, Боже, возведи мя.
Предста Царица одесную Господа славы, одеяна и приукрашена добротами, паче всех чад человеческих, помолимся, да не отставит Слова Родительница милости Своея от нас.
Пречистая Мати Дево, поспеши на помощь Руси погибающей, возстави православных царство, воскреси царей державу.
Слава: Почитающе икону Твою Русь Воскрешающая, вопием Ти Преблагословенней: соблюди ны в отечестем Православии.
И ныне: Ходатаице пред Спасом за Русь Святую, умоли Сына Своего и Бога нашего, да в России расточатся врази его.
Кондак, глас 6-й: Мати живота и света, не лиши милости Твоея, люди Христоименитыя, молим Тя: возстави скиптры царствия, разруши церковныя соблазны, возроди и благослови Отечество наше, яко Ты еси воистину Русь Воскрешающая.
Икос: Заступая Отечество наше от лютых безбожник, явила еси Владычице чудотворную икону Твою, юже сынове Российстии приявше, реша: Радуйся светозарный столпе, путеводящий ко спасению. Радуйся на сопротивных стрело к поборению. Радуйся благодати Духа познание. Радуйся Руси исцеление. Радуйся, яко Богоборницы посрамишася. Радуйся, яко Богопроповедницы воздвигошася. Радуйся истиннаго Православия ревнительнице. Радуйся царства Православного Возстановительнице. Радуйся Пресвятая Дево, Русь Воскрешающая.
Песнь 7
Ирмос: От Иудеи дошедше отроцы, в Вавилоне иногда верою Троическою пламень пещный попраша, поюще: отцев Боже благословен еси.
Согрешихом мы и беззаконовахом, Пресвятая Дево, ныне восприемлем по делом нашим, но Ты милости пучино, покрый нас окаянных милосердием Твоим, яко не приимет Господь наше покаяние, Ему же верно послужим вси, отец наших Боже, благословен еси.
Осквернихомся страстьми, но и умилихомся, пред Рожденным от Тебе Словом, Емуже возпоим верни вси: отец наших Боже, благословен еси.
Слава: Тобою Пресвятая бысть нам Путь и Истина, и Живот; от Тебе бо плоть прият Иисус Пребожественный, Егоже воспевают вси концы земли: отец Боже, благословен еси.
И ныне: Благодарим и прославляем Дево. Поем и хвалим Тя Прославльшаго, Егоже манием живут и движутся вси: отец наших Боже, благословен еси.
Песнь 8
Ирмос: Царя Небеснаго, Егоже поют вои Ангельстии, хвалите и превозносите во вся веки.
Предстани нам, Присновладычице, и чрез Образ Твой благослови люди русския, поющыя и превозносящыя Тя во веки.
Неможение и расслабление сил духовных врачуеши, Богоотроковице, народа Российскаго, поющаго и превозносящаго Тя во веки.
Благословим Отца и Сына, и Святаго Духа, Господа: Рече иногда премудрый, яко народ русский, народ Богоносец есть, Христа носяй в сердце своем, не посрами, Пречистая, сего упования, но укрепи во вся веки.
И ныне: Не попущай, Русь Воскрешающая, воли бесовстей совершатися о Державе Российстей, да молитвами Твоими разыдутся цареборцы, престанет жид скорпионом бичевать землю нашу, заградятся уста еретическия во вся веки.
Песнь 9
Ирмос: Воистину Богородице Тя исповедуем, спасении Тобою, Дево Чистая, с Безплотными лики Тя величающе.
Освященный Собор Церкве Российския и Святитель Московский Рафаил, прославиша и прияша Образ Твой, Владычице Пречистая, яко щит противу козней диявольских, во еже сыновом Российским спастися.
Ликуй и веселися Церковь Российская, преукрашайся и воспевай славу, яко возвеличися и прославися благоволением Матери Божией чрез чудотворную Ея икону Русь Воскрешающая.
Слава: Обличила еси явлением Образа Твоего новых фарисеев-иконоборцев, да видяще не видят чудес Твоих, и слышаще не разумеют, да не обратятся и не исцелиши их.
И ныне: К Тебе, Пречистая Дево Госпоже Богородице, и к Твоему чудотворному Образу припадаем и вопием вси: владыки и князи, девы и священницы, богатии и убозии, монаси и мирстии, помилуй нас Имене ради Твоего.
Светилен: Да престанет нощь греховная для страждущаго царства Российскаго, и да наступит светлый и явленный день Руси Воскрешения.
На Хвалитех, Стихиры на 4, глас 6-й. Самогласны:
Ст.1 Ублажают Тя Чистая, вси языцы, наипаче же людие русстии, яко даровала еси нам радость премногу, явлением чудотворнаго и преизящнейшаго Образа Твоего, многия чудесы источает бо: слепи прозирают, хромии ходят, расслаблении укрепляются, глусии слышат вся сущыя, и лик ангельский воспевающий Тя.
Ст.2 Святый Собор, Церкве Российския, облобыза чудоточную икону Твою, и рукама Святителя Рафаила, вознесе ея, и освяти, да всяк возраст людей Христоименитых, взирая на ню, кается в грехах своих и отеческих, чая Руси воскрешение.
Ст.3 Грады наша и веси, и честныя обители, покрываеши Покровом Своея благости, мы же вопием Ти, Деве Матери, во спасение наше: слыши Дщи Господня и виждь, и приклони ухо Твое.
Ст.4 Моления и молитвы в храме Твоем, в день празднества Твоего, приносим Ти Честнейшей Херувим, Самодержице Российстей, и вопием Ти с Давидом: лику Твоему помолятся богатии людстии.
Слава, и ныне. Глас 1-й: Царя Николая упование: писан на Велицей вечерне, на стиховне. Славословие великое, по Трисвятом, тропарь единожды. Ектении, и отпуст, и час 1-й. И совершенный отпуст.
На Литургии: Блаженна гласа, на 6, и канона Богородице песнь 3, на 4. По Входе тропарь иконе, тропарь дня. Слава, кондак иконе, и ныне: Взбранной Воеводе. Прокимен, песнь Богородице, глас 3-й: Величит душа Моя Господа, и возрадовася дух Мой о Бозе, Спасе Моем. Стих: Яко призре на смирение рабы Своея, се бо от ныне ублажат Мя вси роди. Богородицы, Апостол ко евреям, зач.320. Аллилуиа, глас 8-й: Слыши Дщи, и виждь, и приклони ухо Твое. Стих: Лику Твоему помолятся богатии людстии. Богородицы, Евангелие от Луки, зач.54: Вниде Иисус в весь некую… Причастен Богородицы: Чашу спасения прииму и Имя Господне призову. Разрешаем: на вино и елей. Аще же храм, бывает утешение братии велие на трапезе: ядим рыбу и пием вино, благодарящее Бога и Пресвятую Богородицу.
Конец и Богу слава.

АКАФИСТЪ
Пресвятей Владычице нашей Богородице
въ честь чудотворныя Ея иконы
«ВОСКРЕШАЮЩАЯ РУСЬ»

Кондакъ 1
Избранней от всех родов Заступнице и Покровительнице рода христианскаго, благоволившей явитися нам во образе чуднем, благодарственное пение приносим Ти грешнии и непотребнии, и просим спасти многострадальную страну нашу и страждущих людей ея, и сотворити ю якоже древле Русь Святую, от всяких нас бед и грехов свободи, да зовем Ти: Радуйся, Мати Божия, Русь Воскрешающая.
Икос 1
Егда явилася еси Ты, Красото неизреченная, рабе Твоея Ользе, яже молися в день Покрова Твоего, тогда вся вселенная со всеми твари земныя возрадовася. Ты бо, Приснодево, укрываеши всю землю Покровом чудным Твоим, кресторасписным, да очистится всяк человек от скверны. И души людей, приемлющих Тя в сердца своя, да просветятся и к Господу да устремятся. Яко несть человека, иже пребысть без Покрова любы Твоея. Сего ради вопием Ти сице:
Радуйся, Дево, Чистото несравненная.
Радуйся, Забото, о стране нашей многострадальней явленная;
Радуйся, всех Своим белоснежным омофором покрывающая;
Радуйся, удел Тобою избранный прославляющая.
Радуйся, преподобнаго Серафима возлюбившая.
Радуйся, Руси нашей Святой благоволившая.
Радуйся, Радосте неизреченная всех радований.
Радуйся, яже отверзаеши нам дверь ко спасению.
Радуйся, Мати Божия, Русь Воскрешающая.
Кондакъ 2
Мир грешников взывает к Тебе о помощи, Царице Небесная, и просит Твоего заступления и предстательства. Ты же, возлюбивши страну нашу многострадальную, милостивно пришла еси к Серафиму в дивный Саровский удел Свой, яко солнце, свет излучающая, дабы Русь Святую возродити и на веки утвердити. Мы же, со слезами умиления взирая на дарованный нам образ Твой святый «Воскрешающая Русь», поем рождшемуся из Тебе Богу: Аллилуиа.
Икос 2
Егда явилася еси Ты, Преблагая Дево, со святыми апостолы Петром и Иоанном, преподобному Серафиму, на смертнем одре лежаща, и рекши: «Сей есть от рода нашего», исцелила его. Старец же, Тобою возлюбленный и предизбранный, по Твоему благословению обитель дивную устрояет и святою канавкою ю обводит, юже Ты стопочками Своими Святыми обышедше, обитель же сию уделом Своим наречеша, спасение России предвозвестила еси. Мы же, чудесем зде видети сподобишася, хвалебное пение приносим Ти:
Радуйся, Радосте наша несказанная.
Радуйся, спасение всей вселенней породившая.
Радуйся, живот нам чрез Сына Своего даровавшая.
Радуйся, Саровскаго подвижника исцелившая;
Радуйся, его во помощники Себе приявшая.
Радуйся, Россию уделом Своим дивным наделившая.
Радуйся, чудесеми велиими Русь Святую Свою обогатившая.
Радуйся, обители Дивеевстей благоволившая.
Радуйся, Мати Божия, Русь Воскрешающая.
Кондакъ 3
Блаженный старец Иероним, благоговейно прияв образ сей святый во обители Санаксарстей, усердно моляся Богу пред ним, по сем же благослови снести его во дивный Саровский удел, место бо сие Самою Царицею Небесною предуказано бысть. Мы же, тако устроившему Подвигоположнику и Спасителю нашему, вопием Ему: Аллилуиа.
Икос 3
Радостную весть восприявши о чуднем и славнем явлении иконы Твоея, и благодаряще Тя за милость Твою велию, восклонимся сердцами, воздающе Ти честь и поклонение. С нами же радуются Херувими и Серафими, славяще Тя и верно вопиюще таковая:
Радуйся, Пренепорочная и Честнейшая Херувим;
Радуйся, Славнейшая без сравнения Серафим;
Радуйся, Ангелов превосходящая.
Радуйся, Молитвеннице за нас непрестанная.
Радуйся, с любовию нас всех вразумляющая;
Радуйся, явлением Своим нас всех очищающая.
Радуйся, разум наш светом Своим просветляющая;
Радуйся, прощати обидящих нас научающая.
Радуйся, Мати Божия, Русь Воскрешающая.
Кондакъ 4
Удививши всех явлением Своим, Ты пришла еси к нам в белоснежней ризе чистоты, кротости и смирения, и покрыла еси, Богородице, ны святым Своим омофором, верою, надеждою и любовию, дабы чрез покорение всех нас воле Божией воскресити Русь Святую нашу. Сего ради мы, славяще Воскресшаго Бога, немолчно взываем к Нему: Аллилуиа.

Икос 4
Ты яко любящая Мати пришла еси к чадам Своим, да подаси руку помощи всем с верою и любовию к Тебе притекающим, да открыеши очи духовныя смиренным и наставити на путь праведный заблудшия. Мы же, яко чада Твоя, благодарно вопием Ти таковая:
Радуйся, Чистото Преблагословенная.
Радуйся, прошения наши скоро исполняющая.
Радуйся, грехи наши любовию Своею покрываюшая.
Радуйся, Начало пути нашего к воскрешению.
Радуйся, печаль и уныние прогоняющая.
Радуйся, бесов далече от нас отгоняющая.
Радуйся, тишину и покой душам нашим принесшая.
Радуйся, смирению нас научающая.
Радуйся, Мати Божия, Русь Воскрешающая.
Кондакъ 5
Явившейся Ти, Мати Божия, во образе сем, верующии возрадовашася, а невернии удивляхуся и породи сомнения и неверие в душах своих. Мы же припадаем Ти, грешныя и окаянныя, и просим прощения пред Богом за народ наш и за весь род человечь. Да подаст Всемилосердый Человеколюбец нам глухим и слепым очей прозрение, да узрим Тя, Царице Небесная, и услышим душею и сердцем. Помози нам достойно с любовию, честию и поклонением прияти новое явление Твое во образе сем «Воскрешающая Русь», да возблагодарим Сына Твоего и Бога нашего, пети Ему: Аллилуиа.
Икос 5
Яко Ты, Мати Спасителя нашего, на Крест взирающи, копие в сердце прияла еси, видя висяща Сына Твоего и Бога нашего и велия страдания приемша, и Который разумевающий Иоанна, глагола Ти: «Жено, се сын Твой». Послежде же глагола Иоанну: «Се Мати твоя». И тако благоволи всех нас грешных под Покров Твой Святый усыновити. Ты же, смиренно повинуяся воле Божией, стала Материю всего рода человеча, с верою к Тебе притекающаго. Мы же со благодарением Сыну Твоему, вопием Ти сице таковая:
Радуйся, Защитнице и Покровительнице Руси Святой милосердная.
Радуйся, заботою Своею матернею нас согревающая.
Радуйся, козни и напасти бесовския разрушающая;
Радуйся, скорая Помощнице во всех делех и Стено нерушимая.
Радуйся, очи духовныя нам всем отверзающая;
Радуйся, любити всех любовию Христовою научающая.
Радуйся, от бед и невзгод нас всех ограждающая.
Радуйся, образ кротости в Себе показующая.
Радуйся, Мати Божия, Русь Воскрешающая.
Кондакъ 6
Не дарует Господь воскрешение Руси, яко не обратилися еще мы к Богу и не исполняем заповеди Его. Горе нам, яко не имамы крепкия веры и благочестия, предалися суете и обольщениям бесовстим, умножишися беззакония наша и не имамы любы к Богу и ближнему своему, и остави в себе страх Божий. Ты же, Мати Божия, благочестивых семей мудрая Устроительнице, снизошла еси из Святая Святых на землю, да научиши нас, грешных, любити друг друга любовию чистою, яже не превозносится, не раздражается, не мыслит злая, долготерпит, вся прощает, всему веру емлет и вся покрывает. Помози нам немощным воскреснути от греха в чистоте, непорочнем жительстве и благочестии, да чистим сердцем и о имени Твоем дерзая, воспеваем к Богу: Аллилуиа.
Икос 6
Ты, Пресвятая Дево, явилася еси дарованием смиренным родителям Твоим, молитвами их испрошенная. Тии же приведши Тя, трехлетнею Отроковицею, ко храму Господню, посвятили Тя Единому Богу Всевышнему, и стала Ты Игуменею всея земли и Молитвенницею за род весь человечечь. Сего ради мы грешнии к Тебе взываем со смиренною мольбою: о Всепречистая и Непорочная Мати Бога нашего, Воспитательнице милосердная, возьми чад наших под Свой Покров Святый, да будут тии и чадами Твоими. Научи их смирению, целомудрию и старших почитанию. Научи их страху Божию, благоговению и любови к ближним, да ходят они в заповедях Божиих. Да будут чада наша в радость нам, наипаче же в радости Богу, Тебе и ангелам святым. Нас же вразуми чад наших воспитывати в служение Богу, грядущему Царю и Отечеству нашему. На предстательство Твое уповающе, со умилением поем Ти сице таковая:
Радуйся, Воспитательнице наша и детей наших усердная.
Радуйся, Богом Дщерью Своею нареченная.
Радуйся, родителей Твоих благочестно почитающая.
Радуйся, образ кротости и смирения нам являющая.
Радуйся, с триех лет Богу служившая;
Радуйся, радость несказанную родителям Своим принесшая;
Радуйся, паче всех Бога возлюбившая.
Радуйся, о спасении нашем Промыслительнице.
Радуйся, Мати Божия, Русь Воскрешающая.
Кондакъ 7
Святый Николае, велий еси угодниче Божий, чудотворче Мир Ликийских, правило веры, образ кротости и смирения, яко сподобился еси зрети Царицу Небесную, пришедшу с Сыном Своим на Никейстем Соборе ревность твою в вере Православней утвердити, достоинство же святительское, неправо отъятое, возвратити. Яко ты возревновал об Истине Христовой, тако ныне и мы грешнии возревнуем о спасении своем и Руси, Спасу Всемилостивому поклоняяся и взывая к Нему: Аллилуиа.
Икос 7
Дивны дела Твоя, Господи, велика и всесильна помощь Твоя, еже даруеши нам во искушениих и скорбех, да не погибнем от бед и напастей земных. И ныне, взирающи на Дщерь Твою Преблагословенную во образе «Воскрешающая Русь», восхваляем Тя, Господи: Свят, Свят, Свят, Господь Саваоф. Пречистей же воздаем честь и поклонение, да ублажат Ю вси роди:
Радуйся, Царице небеси и земли, Духом Святым осененная;
Радуйся, Дево благодатная, Преблагая и смиренная.
Радуйся, Богом Всемогущим прославляемая;
Радуйся, всеми родами земными ублажаемая.
Радуйся, небеса явлением Своим отверзающая.
Радуйся, новым образом Своим Бога прославляющая.
Радуйся, недуги наша исцеляющая.
Радуйся, днесь по земли Русской яко Владычице Державная ступающая.
Радуйся, Мати Божия, Русь Воскрешающая.
Кондакъ 8
Во дни лихолетия безбожнаго пропустил еси, Господи, нам во отцех наших помазанника Твоего отвратитися, святыни Твоя осквернити, кумиры себе сотворити. Но Ты, Всемилостивый Господи, не возгнушавыйся нами, толцеши во сердца наша, да отверзем их на покаяние. Сего ради послал еси Матерь Свою Преславную в белоснежней ризе чистоты и непорочности, да умягчит сердца наша елеом радования и да научит пети Тебе: Аллилуиа.
Икос 8
Видяще, о Премилостивая Царице Небесная и Владычице наша, яко грехми многими и мерзкими отяготихомся, оставиша заповеди Сына Твоего, в маловерие впадоша, всяку неправду сотворша, ко услаждением скверным обратишася и тем от Творца своего отступиша. Не помятуем, яко токмо кротции духом наследят землю, токмо милостивии помиловании будут, токмо миротворцы сынове Божии нарекутся. Прости нас, заблудших и окаянных, даруй нам образ покаяния, да искупим грехи наша. Заступнице наша усердная, Мати человеколюбная. Ты пришла еси к нам свытыя обители и храмы возстановити, новоявленным образом Своим освятити. Мы же вси велегласно воспеваем Ти сице таковая:
Радуйся, Пресвятая Богородице, Помощнице в делех благих усердная.
Радуйся, к нам, многогрешным милосердная;
Радуйся, путь к благочестию нам отверзающая;
Радуйся, нас, во гресех погрязших, не отвергающая.
Радуйся, храмов Божиих и обителей святых Устроительнице.
Радуйся, алчущих и жаждущих Правды насыщающая.
Радуйся, землю нашу дарами щедрыми осыпающая;
Радуйся, чудесеми Своими на земли Бога прославляющая.
Радуйся, Мати Божия, Русь Воскрешающая.
Кондакъ 9
Ты, Пресвятая Дево, вместилищем красоты духовней показалася еси, благоуханием смирения Своего нас обрадовавшая и веру непостыдну в нас вселившая. И подаеши, Всецарице, скорое помоществование всем верою приявшим Сына Твоего и Бога нашего, вразумляеши непокорных и тщеславных: от путей гибельных да отвратятся и к покаянию да обратятся. Мы же взираем вси на образ Твой чудный и к Рождшемуся от Тебе радостно вопием: Аллилуиа.
Икос 9
Ветии суемудреннии и грешнии не возмогут уразумети воздаяния Божьего по беззакониям и гресем нашим: страны Российстей разорение, святынь осквернение, чад растление, удела Пресвятыя Богородицы за мзду иноверцем разделение, воинство ратное крепостию оскудение, никтоже о гресех своих с плачем воздыхает. Мы же, Твоя неисчетная на нас благодеяния видяще, вопием: того ради прииди к нам, Преблагословенная Владычице наша, заповеди Сына Твоего паки возвестити, дух смирения и сокрушения сердца нам возвратити и Русь воскресити, яже бысть оплот Православия и Христова благочестия. Сего ради со умилением и любовию поклоняемся новоявленному образу Твоему честному и воспеваем пред ним поюще Ти таковая:
Радуйся, Пресвятая, кротких и милостивых Защито неодолимая;
Радуйся, Пречистая, руку помощи сирым и убогим простирающая.
Радуйся, в добродетелех наставляющая.
Радуйся, страх смерти в душах наших побеждающая.
Радуйся, благодатную силу исцеления просящим подающая;
Радуйся, от проказы греховныя нас избавляющая.
Радуйся, Живоносный Источниче, радостию и любовию жаждущих напояющая;
Радуйся, Царице Державная и земли Русской Покровительнице.
Радуйся, Мати Божия, Русь Воскрешающая.
Кондакъ 10
О, Пречистая Владычице наша, Ты услышала еси слезныя воздыхания всех притекающих к Тебе молитвенников и печальников земли Русския, и снизошла еси укрыти многострадальное Отечество наше несокрушимым Покровом Твоим, да будеши печальным утешение, скорбящим радование, обидимым Заступнице и да узрим вси Руси воскрешение и воспоим Богу: Аллилуиа.
Икос 10
Икона Твоя, Владычице, изливает миро благоуханное несказанное: помазующихся им благословляеши, в Дому и Царстве Твоем с нами пребываеши, глаголаху: «Аз есмь с вами и никтоже на вы». Возлюбивши Тя, Богородице, люди Твоя со слезами умиления припадающе и чудный образ Твой лобзающе, приносят хвалебное пение Тебе поюще таковая:
Радуйся, Узорешительнице страны нашея от ига иноплеменнаго усердная;
Радуйся, в грядущих испытаниях наших Помощнице крепкая и милосердная.
Радуйся, справедливая и строгая врагов Христовых Вразумительнице;
Радуйся, Честнаго и Животворящего Креста Господня Проповеднице.
Радуйся, от напастей земных и междоусобныя брани Избавительнице;
Радуйся, от обольщений и искушений вражиих Защитнице.
Радуйся, помощи скорыя в недузех и скорбях Подательнице;
Радуйся, пред Богом за страну нашу усердная Ходатаице.
Радуйся, Мати Божия, Русь Воскрешающая.
Кондакъ 11
Никтоже, приходящий с верою и упованием к иконе «Воскрешающая Русь», не отыдет не утешен, и дивятся убо людие чудным исцелениям душевным и телесным от образа Твоего честнаго, мы же, пение молебное с верою и любовию Тебе возносимое, милостивно Богоприятно поем к Создателю нашему: Аллилуиа.
Икос 11
Подаеши Ты, Пресвятая Богородице, силою благодатною от иконы Твоея исходящею, многия немощи и болезни врачуеши, бесов изгоняеши и велии чудеса источаеши. Сия видяще Тя, Царицу Небесную, Русь воскрешающую, ублажаем и хвалебно Тебе воспеваем:
Радуйся, Целительнице и Спасительнице душ наших милосердная;
Радуйся, Исповеднице и Просительнице за нас немощных всепетая.
Радуйся, лжемудрствующих и превозносящихся посрамляющая;
Радуйся, души во тме пребывающих просвещающая.
Радуйся, чудесами исцелений всех удивляющая.
Радуйся, простоте душевней научающая.
Радуйся, злых сердец Умягчение и погибших Взыскание.
Радуйся, похвалы Божией совершенное изречение.
Радуйся, Мати Божия, Русь Воскрешающая.
Кондакъ 12
Егда в слепоте телесней Божий раб Михаил ко образу Твоему, Владычице, усердно моляся, очи его приоткрышася и вскоре от тотчас прозреша, возрадовася и укрепися в вере своей. С нимже, в болезнех цельбу неоскудно от чудотворного образа Твоего получая, Всеблагая, благодарственно вопием благих подателю Всемилостивому Богу: Аллилуиа.
Икос 12
Отверзаются бо очи духовныя всех жаждущих Руси воскрешения, видят бо злые деяния вразей Православия, мы же твердо в вере святей отечестей утвердилися. Иже ныне приемлем Тя сердцем своим, Богородительнице, благодати Твоея сподобляемся, душами очищаемся, телесами исцеляемся, со ангелы радуемся, и возведох к Ти очи сердечныя, сице радостно вопием::
Радуйся, Молитвеннице пред Богом всемогущая;
Радуйся, Царица неба и земли, благодать исцеления душам подающая;
Радуйся, Мати Божия, ангелам радость принесшая.
Радуйся, даром отверзати очи духовныя наделенная.
Радуйся, Державная Владычице, за землю Русскую скорбящая;
Радуйся, от браней, бед и напастей нас избавляющая.
Радуйся, Защитнице слабых и Вразумительнице нечестивых;
Радуйся, Кормительнице сирых и Целительнице немощных.
Радуйся, Мати Божия, Русь Воскрешающая.
Кондакъ 13
О, Всепетая Мати Христа Бога нашего, мирови Владычице, земли Российстей Царице и Покровительнице! К Тебе возведох очи сердечныя, приими благоутробно моление наше, пред чудотворною иконою Твоею с верою и благоговением Тебе возносимое: Русь Святую Православную воскреси, от ига иноплеменных спаси и да послет Господь Царя избраннаго Своего, страну нашу покрый честным и святым омофором Твоим, и от всяких бед, скорбей и напастей избави рабы Твоя, да спасеннии Тобою в безконечнем веце вопием Богу: Аллилуиа.
Этот кондак читается трижды. Затем 1-й икос «Егда явилася еси Ты...» и 1-й кондак «Избранней от всех родов...».
Молитва ко Пресвятей и Славней Владычице нашей Богородице
пред чудотворным образом Ея «Воскрешающая Русь»
О, Пречистая и Преславная Дево Богородице, Воскрешающая Русь назвавшаяся! Пролей теплую молитву о нас, грешных, ко Господу, се бо не единожды во дни испытаний согреших, веру Православную не сохраних, Царя святаго не защитих, иго безбожных на ся возложих. Приими покаяние наше слезное, прости ны, Царице наша Державная, и спаси землю Русскую от глада и мора, от труса, потопа, огня и меча, нашествия иноплеменных и междоусобныя брани. Даруй нам Царя Богоизбраннаго, осени нас омофором Твоим всечестным, и сотвори милостива нам быти Бога нашего, отвратити всякий гнев Его на ны движимый и избави ны от належащего и праведнаго Его прещения. Подаждь нам душевное и телесное исцеление, во делех благих даруй поможение. Святыя храмы и обители монастырския от скверн и поруганий сохрани, весь священнический и иноческий чин ризою Твоею честною защити. Русь Святую воскреси, да послужим верою и правдою Сыну Твоему и Богу нашему Господу Иисусу Христу, Тебе и грядущему Царю во славу Отечества нашего всегда, ныне и присно и во веки веков. Аминь.
Величание
Величаем, величаем Тя, / Пресвятая Дево, / и чтим Покров Твой честный, имже нас очищаеши, и Русь Святую воскрешающи.
Ино величание
Величаем, величаем Тя, / Пресвятая Дево, / Богоизбранная Отроковице, / всю землю Покровом Своим очищающая / и Русь Святую воскрешающая.